Hvað viltu láta gera? Ég og Karl Kristján sem hefur skreytt veggi fyrir Reykjavíkurborg langar að mála litlu svæðin í borginni. Við gætum farið af stað og fundið slík svæði eða verið í samstarfi við ykkur. Við tengjumst bæði Hlutverkasetri starfsendurhæfingu. Hvers vegna viltu láta gera það? Karl fékk nýverið úthlutað vegg og þegar ég sá hvað hann hafði gert, langar mig að vera með. Veggjakrot er hvimleitt og það væri frábært að geta gert eitthvað í því
Það er einfalt fyrir okkur að taka að okkur að gera falleg málverk á veggi sem myndi veita gleði og ánægju að sjá og undirstrika fjölbreytileika Reykjavíkur. Við erum með ýmsa góða staði í huga og teljum að list ætti að vera aðgengileg fyrir borgarbúa. Við teljum að þetta sé ein af mörgum leiðum til að fegra hana fyrir listunnendur, sem eru margir. Þótt að alltaf sé persónulegt hvað fólk hefur gaman af þá er þetta alþýðulist og ber að fá að njóta sín betur. Endilega leyfið okkur að gera þetta.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation